Azərbaycan Dövlət Universitetinun (indiki Bakı Dövlət Universiteti) Jurnalistika fakültəsi məzunuyam.Sibir, Belarus, Uzaq Şərq hərbi dairələrində hərbi jurnalist kimi fəaliyyət göstərmişəm.“Respublika” və “Azərbaycan” ictimai-siyasi qəzetlərində xüsusi müxbir, şöbə redaktoru və baş redaktorun müavini vəzifələrində çalışmışam. 2004-2005-ci illərdə “Gün-Səhər” müstəqil ictimai-siyasi qəzetində baş redaktorun müavini olmuşam. 2006-cı ilin yanvarından “Xalq qəzeti”nin əməkdaşıyam və hazırda da bu qəzetin redaksiyasında çalışıram.

Jurnalistlik fəaliyyətim müxtəlif mükafat və təltiflərlə dəyərləndirilib. Prezident cənab İlham Əliyevin 21 iyul 2010-cu il tarixli sərəncamı ilə “Əməkdar Jurnalist” fəxri adına layiq görülmüşəm. Milli Mətbuatımızın inkişafında xidmətlərimə görə müxtəlif illərdə ”Qızıl Qələm”, ”Araz”, Həsən bəy Zərdabi mükafatlarını almışam.Azərbaycan-Türkiyə əlaqələrinə həsr olunmuş məqalələrim və “Bakıdan görünən Türkiyə” kitabım TÜRKSOY-un Beynəlxalq Media mükafatı ilə təltif edilmişdir. Azərbaycan--Türkiyə tarixi əlaqələri haqqında Türkiyə, Rusiya, Qazaxstan və Ukraynanın beynəlxalq statuslu jurnallarında dərc edilmiş onlarca məqalələrin və dissertasiya işinin müəllifiyəm.

Filologiya qzrə fəlsəfə doktoruyam. Azərbaycan-Türkiyə münasibətlərinin mətbuatda təqdimatına aid müdafiə etmişəm. Bakı Dövlət Universitetinin Jurnalistika fakültəsində müəllim kimi fəaliyyətimi davam etdirirəm.